ਤੁਸੀਂ ਐਪ-ਅਧਾਰਿਤ ਰਾਈਡ-ਹੇਲਿੰਗ ਜਾਂ ਡਲਿਵਰੀ ਵਰਕਰ ਵਜੋਂ ਭਾਵੇਂ ਫੁੱਲ-ਟਾਈਮ ਜਾਂ ਪਾਰਟ-ਟਾਈਮ ਕੰਮ ਕਰਦੇ ਹੋ, ਤੁਹਾਨੂੰ ਆਪਣੇ ਅਧਿਕਾਰਾਂ ਅਤੇ ਜ਼ਿੰਮੇਵਾਰੀਆਂ ਨੂੰ ਜਾਣਨਾ ਅਤੇ ਸਮਝਣਾ ਚਾਹੀਦਾ ਹੈ। ਕੰਮ ਵਾਲੀ ਥਾਂ ਨੂੰ ਸੁਰੱਖਿਅਤ ਰੱਖਣ ਵਿੱਚ ਹਰ ਕਿਸੇ ਦੀ ਭੂਮਿਕਾ ਹੁੰਦੀ ਹੈ।

ਇੱਕ ਵਰਕਰ ਵਜੋਂ, ਤੁਹਾਡੇ ਕੋਲ ਅਧਿਕਾਰ ਹਨ ਕਿ ਤੁਹਾਡੀ ਕੰਮ ਵਾਲੀ ਥਾਂ ਸੁਰੱਖਿਅਤ ਅਤੇ ਸਿਹਤਮੰਦ ਹੋਵੇ, ਜਿਸ ਵਿੱਚ ਅਸੁਰੱਖਿਅਤ ਕੰਮ ਤੋਂ ਇਨਕਾਰ ਕਰਨ ਦਾ ਅਧਿਕਾਰ ਸ਼ਾਮਲ ਹੈ। ਇੱਕ ਕਰਮਚਾਰੀ ਵਜੋਂ ਆਪਣੇ ਅਧਿਕਾਰਾਂ ਅਤੇ ਜ਼ਿੰਮੇਵਾਰੀਆਂ ਬਾਰੇ ਹੋਰ ਜਾਣੋ।

ਜਦੋਂ ਤੁਸੀਂ ਐਪ-ਅਧਾਰਿਤ ਰਾਈਡ-ਹੇਲਿੰਗ ਜਾਂ ਡਲਿਵਰੀ ਵਰਕਰ ਵਜੋਂ ਕੰਮ ਕਰਦੇ ਹੋ, ਤਾਂ ਤੁਹਾਨੂੰ ਨੌਕਰੀ 'ਤੇ ਖ਼ਤਰਿਆਂ ਦੇ ਬਦਲਣ ਦਾ ਅਨੁਮਾਨ ਲਾਉਣ ਦੇ ਯੋਗ ਹੋਣ ਦੀ ਲੋੜ ਹੁੰਦੀ ਹੈ। ਇਹ ਦੇਖਣ ਲਈ ਇਹ ਛੋਟੇ ਵੀਡੀਓ ਦੇਖੋ ਕਿ ਤੁਸੀਂ ਨੌਕਰੀ 'ਤੇ ਸਿਹਤਮੰਦ ਅਤੇ ਸੁਰੱਖਿਅਤ ਰਹਿਣ ਵਿੱਚ ਕਿਵੇਂ ਭੂਮਿਕਾ ਨਿਭਾ ਸਕਦੇ ਹੋ:

• ਫੂਡ ਡਲਿਵਰੀ
• ਲਾਸਟ ਮਾਈਲ ਡਲਿਵਰੀ
• ਕਮਰਸ਼ੀਅਲ ਡਲਿਵਰੀ

ਐਪ-ਅਧਾਰਿਤ ਰਾਈਡ-ਹੇਲਰ ਡਲਿਵਰੀ ਵਰਕਰ ਵਜੋਂ ਤੁਸੀਂ ਇੱਥੇ ਸਿਹਤ ਅਤੇ ਸੁਰੱਖਿਆ (ਸੇਫ਼ਟੀ) ਖ਼ਤਰਿਆਂ ਬਾਰੇ ਹੋਰ ਵੀ ਜਾਣ ਸਕਦੇ ਹੋ:

• ਕੰਮ ਲਈ ਡਰਾਈਵ ਕਰਨਾ
• ਕੋਰੀਅਰ ਅਤੇ ਡਲਿਵਰੀ
• ਟੈਕਸੀ, ਲਿਮੋਜ਼ੀਨ, ਅਤੇ ਰਾਈਡ-ਹੇਲਿੰਗ ਸੇਵਾਵਾਂ

ਜੇ ਤੁਹਾਡੀ ਸੱਟ ਜਾਂ ਬਿਮਾਰੀ ਕੰਮ ਨਾਲ ਸਬੰਧਿਤ ਹੈ ਤਾਂ ਅਸੀਂ ਜਿੰਨੀ ਜਲਦੀ ਹੋ ਸਕੇ, ਤੁਹਾਡੀ ਮਦਦ ਕਰਨਾ ਚਾਹੁੰਦੇ ਹਾਂ। ਅਸੀਂ ਸਮਝਦੇ ਹਾਂ ਕਿ ਇਹ ਤਣਾਅਪੂਰਨ ਸਮਾਂ ਹੋ ਸਕਦਾ ਹੈ, ਅਤੇ ਅਸੀਂ ਕਲੇਮ ਦੀ ਕਾਰਵਾਈ ਦੌਰਾਨ ਸਹਾਇਤਾ ਦੀ ਪੇਸ਼ਕਸ਼ ਕਰਦੇ ਹਾਂ।

ਜੇ ਤੁਸੀਂ ਨੌਕਰੀ 'ਤੇ ਜ਼ਖ਼ਮੀ ਹੋ ਗਏ ਹੋ, ਤਾਂ ਹੇਠਾਂ ਦਿੱਤੀਆਂ ਕਾਰਵਾਈਆਂ ਨਾਲ ਸ਼ੁਰੂ ਕਰੋ:

1. ਆਪਣੀ ਸੱਟ ਬਾਰੇ ਤੁਰੰਤ ਆਪਣੇ ਕੰਮ-ਮਾਲਕ ਨੂੰ ਰਿਪੋਰਟ ਕਰੋ।
2. ਆਪਣੇ ਡਾਕਟਰ ਨੂੰ ਮਿਲੋ।
3. ਟੈਲੀਕਲੇਮ 'ਤੇ 1.888.WORKERS (1.888.967.5377)'ਤੇ ਕਾਲ ਕਰ ਕੇ ਸਾਨੂੰ ਆਪਣੀ ਸੱਟ ਦੀ ਰਿਪੋਰਟ ਕਰੋ, ਜਾਂ ਔਨਲਾਈਨ ਰਿਪੋਰਟ ਕਰੋ।

ਇੱਕ ਵਾਰ ਜਦੋਂ ਅਸੀਂ ਤੁਹਾਡੀਆਂ, ਤੁਹਾਡੇ ਕੰਮ-ਮਾਲਕ ਅਤੇ ਤੁਹਾਡੇ ਡਾਕਟਰ ਦੀਆਂ ਰਿਪੋਰਟਾਂ ਦੀ ਪੜਚੋਲ ਕਰ ਲੈਂਦੇ ਹਾਂ, ਤਾਂ ਅਸੀਂ ਤੁਹਾਨੂੰ ਸੂਚਿਤ ਕਰਾਂਗੇ ਕਿ ਕੀ ਕਲੇਮ ਸਵੀਕਾਰ ਕੀਤਾ ਗਿਆ ਹੈ ਜਾਂ ਨਹੀਂ। ਇਸ ਬਾਰੇ ਹੋਰ ਜਾਣਕਾਰੀ ਦੇਖੋ ਕਿ ਅਸੀਂ ਕਲੇਮ ਲਈ ਕਿਵੇਂ ਯੋਗਤਾ ਨਿਯਤ ਕਰਦੇ ਹਾਂ।

ਜਦੋਂ ਤੁਹਾਡਾ ਕਲੇਮ ਸਵੀਕਾਰ ਕਰ ਲਿਆ ਜਾਂਦਾ ਹੈ, ਅਸੀਂ ਤੁਹਾਨੂੰ ਅਤੇ ਤੁਹਾਡੇ ਕੰਮ-ਮਾਲਕ ਨੂੰ ਦੱਸਾਂਗੇ ਕਿ ਅਸੀਂ ਕਿਹੜੇ ਬੈਨੀਫਿੱਟ ਅਤੇ ਸੇਵਾਵਾਂ ਦੇ ਸਕਦੇ ਹਾਂ। ਇਸ ਵਿੱਚ ਸ਼ਾਮਲ ਹੋ ਸਕਦੇ ਹਨ:

• ਮਿਹਨਤਾਨਾ ਨੁਕਸਾਨ ਭੱਤੇ (ਵੇਜ ਲੌਸ ਬੈਨੀਫਿੱਟਜ਼)
  • ਮਿਹਨਤਾਨਾ ਨੁਕਸਾਨ ਭੱਤੇ ਉਹਨਾਂ ਕਾਮਿਆਂ ਨੂੰ ਮੁਆਵਜੇ ਵਜੋਂ ਦਿੱਤੇ ਜਾਂਦੇ ਹਨ, ਜਿਹੜੇ ਕੰਮ ਨਾਲ ਸਬੰਧਿਤ ਸੱਟ ਜਾਂ ਬਿਮਾਰੀ ਕਾਰਨ ਤਨਖ਼ਾਹ ਗੁਆ ਦਿੰਦੇ ਹਨ।
• ਸਿਹਤ ਸੰਭਾਲ ਭੱਤੇ ( ਹੈਲਥ ਕੇਅਰ ਬੈਨੀਫਿੱਟਜ਼)
  • ਅਸੀਂ ਸਿਹਤ ਸੰਭਾਲ ਸੇਵਾਵਾਂ ਅਤੇ ਸਪਲਾਈ ਦੀ ਲਾਗਤ ਨੂੰ ਕਵਰ ਕਰਾਂਗੇ, ਜਿਹੜੀਆਂ ਤੁਹਾਡੀਆਂ ਸੱਟਾਂ ਦੇ ਇਲਾਜ ਲਈ ਵਾਜਬ ਤੌਰ 'ਤੇ ਜ਼ਰੂਰੀ ਸਮਝੀਆਂ ਜਾਂਦੀਆਂ ਹਨ।
• ਕਿੱਤੇ `ਤੇ ਪੁਨਰ-ਸਥਾਪਨ (ਵੋਕੇਸ਼ਨਲ ਰੀਹੈਬਲਿਟੇਸ਼ਨ)
  • ਕਦੇ-ਕਦੇ ਸੱਟ ਲੱਗਣ, ਕਿੱਤਾਮੁਖੀ ਬਿਮਾਰੀ(ਕੰਮ ਕਾਰਣ ਲੱਗੀ ਬਿਮਾਰੀ), ਜਾਂ ਕੋਈ ਹੋਰ ਕਾਰਕ ਕਿਸੇ ਕਰਮਚਾਰੀ ਦੀ ਪਿਛਲੀ ਨੌਕਰੀ 'ਤੇ ਵਾਪਸ ਜਾਣ ਦੀ ਯੋਗਤਾ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ। ਉਸ ਵੇਲੇ ਵੋਕੇਸ਼ਨਲ ਰੀਹੈਬਲਿਟੇਸ਼ਨ ਆਪਣਾ ਰੋਲ ਨਿਭਾਉਂਦਾ ਹੈ।

ਇਸ ਬਾਰੇ ਹੋਰ ਜਾਣੋ ਕਿ ਕਿਵੇਂ ਰਿਪੋਰਟ ਕਰਨੀ ਹੈ ਅਤੇ ਕੀ ਸੰਭਾਵਨਾਵਾਂ ਹੋ ਸਕਦੀਆਂ ਹਨ

ਕੰਮ ਵਾਲੀ ਥਾਂ ਨੂੰ ਸਿਹਤਮੰਦ ਅਤੇ ਸੁਰੱਖਿਅਤ ਬਣਾਉਣ ਦਾ ਮਤਲਬ ਇੱਕ ਪ੍ਰਭਾਵਸ਼ਾਲੀ ਸਿਹਤ ਅਤੇ ਸੁਰੱਖਿਆ ਪ੍ਰੋਗਰਾਮ ਦਾ ਹੋਣਾ ਅਤੇ ਹੋਰ ਬੁਨਿਆਦੀ ਸ਼ਰਤਾਂ ਨੂੰ ਪੂਰਾ ਕਰਨਾ ਹੈ। ਇੱਕ ਕੰਮ-ਮਾਲਕ ਵਜੋਂ, ਕੰਮ ਵਾਲੀ ਥਾਂ ਨੂੰ ਯਕੀਨੀ ਤੌਰ `ਤੇ ਸਿਹਤਮੰਦ ਅਤੇ ਸੁਰੱਖਿਅਤ ਬਣਾਉਣਾ ਤੁਹਾਡੀ ਜ਼ਿੰਮੇਵਾਰੀ ਹੈ। worksafebc.com 'ਤੇ ਤੁਹਾਡੇ ਉਦਯੋਗ ਲਈ ਵਿਸ਼ੇਸ਼ ਜਾਣਕਾਰੀ ਸਮੇਤ ਸਿਹਤ ਅਤੇ ਸੁਰੱਖਿਆ ਬਾਰੇ ਹੋਰ ਜਾਣੋ:

• ਕੋਰੀਅਰ ਅਤੇ ਡਲਿਵਰੀ
• ਟੈਕਸੀ, ਲਿਮੋਜ਼ੀਨ, ਅਤੇ ਰਾਈਡ-ਹੇਲਿੰਗ ਸੇਵਾਵਾਂ

ਕੰਮ ਵਾਲੀ ਥਾਂ 'ਤੇ ਹਰੇਕ ਵਿਅਕਤੀ ਦੀ ਸਿਹਤ ਅਤੇ ਸੁਰੱਖਿਆ ਪ੍ਰਤੀ ਜ਼ਿੰਮੇਵਾਰੀ ਹੈ। ਭਾਵੇਂ ਤੁਸੀਂ ਮਾਲਕ, ਰੁਜ਼ਗਾਰਦਾਤਾ, ਜਾਂ ਸੁਪਰਵਾਈਜ਼ਰ ਹੋ, ਕੰਮ ਵਾਲੀ ਥਾਂ ਨੂੰ ਸੁਰੱਖਿਅਤ ਰੱਖਣ ਵਿੱਚ ਤੁਹਾਡੀ ਭੂਮਿਕਾ ਹੈ। ਕੰਮ-ਮਾਲਕਾਂ ਦੀਆਂ ਭੂਮਿਕਾਵਾਂ, ਅਧਿਕਾਰਾਂ ਅਤੇ ਜ਼ਿੰਮੇਵਾਰੀਆਂ ਬਾਰੇ ਹੋਰ ਜਾਣੋ।